Að gera við vatnsskemmdir í byggingum kosta meira en 5 milljarða sænskra króna árlega. Það jafngildir öllum bruna-, storm- og innbrotsskemmdum samanlögðum. Þetta sýnir vatnsskemmdarkönnunin frá árinu 2002. Þáttur sem örðugur er að meta kostnaðarlega séð eru þau óþægindi sem íbúar þurfa að þola svo vikum skiptir. Gólf sem brotin eru upp og að þurfa að bursta tennurnar yfir eldhúsvaskinum eru auka óþægindi ofan á allan kostnaðinn. Vatnsskemmdir valda þar að auki umhverfis- og hreinlætisvandamálum sem og að lykt og gerlar dreifast út sem einnig stuðlar að fjárhagslegu tjóni.
Í samvinnu við tryggingafélög hafa VVS-installatörerna með hliðsjón af vatnsskemmdarkönnuninni frá árinu 2002 skoðað ástandið nánar. Ekki kemur á óvart að meirhluti vatnskemmda er að finna í fjölbýlishúsum. Flestar skemmdir í frárennsliskerfum hafa fundist í fasteignum sem byggðar voru á árunum 1960 – 1980. Helsta ástæðan eru tæringarskemmdir eins og búast má við. Þó svo að meiri líkur séu á tæringu með hækkandi aldri röra er þess vert að geta að tæringarskemmdir fyrirfinnast einnig í frárennsliskerfum fasteigna sem byggðar voru á níunda áratugnum. 8 % af skemmdunum tengjast tæringu og sprungum í niðurfalli. Uppþvottavélin er meginástæða vatnsskemmda á heimilum. Hægt er að panta alla könnunina á heimasíðu VVS-installatörerna.